takbeer-e-musalsal

andaaz-e-bayaaN ger-che bahut shokh nahiN hai

shaayed k uter jaaye teray dil mein meri baat

ya wusat-e-aflaak mein takbeer-e-musalsal

ya khaak k aaghosh mein tasbeeh-o-manajaat

wo mazhab-e-merdaan-e-khud-aagaah-o-khuda-mast

ye mazhab-e-mulla-o-jamadaat-o-nibataat

                                                            - Allama Iqbal –

                                                              (baal-e-jibreel,

                                                           kulliyaat-e-iqbal)

            kamaal-e-ishq-o-masti zerf-e-Haider

jamaal-e-ishq-o-masti nai-nawaazi

jalaal-e-ishq-o-masti bay-niaazi

kamaal-e-ishq-o-masti zerf-e-Haider

zawaal-e-ishq-o-masti herf-e-Razi

                                                - Allama Iqbal –

                                                 (baal-e-jibreel,

                                              kulliyaat-e-iqbal)

                            mataa-e-loh-o-qalam

mataa-e-loh-o-qalam chhin gaee to kia gham hai

k khoon-e-dil mein dubo li hein unglyaaN main ne

zubaaN pe muhr lagi hai to kia k rakh di hai

her aik halqa-e-zanjeer mein zubaaN main ne

                                                       - Faiz Ahmad Faiz -

                                                                 (dast-e-saba,

                                                     nuskha-haay-e-wafa)