tu ne kia dekha nahi maghrib ka jamhoori nizaam
chehra roshan, anderooN Changayz se taareek-ter !
                                                            - Allama Iqbal -
                                                      (armoghan-e-hijaaz)


is raaz ko ek merd-e-farangee ne kia faash !
her-chand k daana isay khola nahi kertay
jamhooriat ek terz-e-hukoomat hai k jis mein
bandoN ko gina kertay hein, tola nahi kertay
                                                            - Allama Iqbal -
                                                            (zerb-e-kaleem)


yahaaN merz ka sabab hai ghulaami-o-taqleed
wahaaN merz ka sabab hai nizaam-e-jamhoori !
na mashriq is se bari hai, na maghrib is se bari
jahaaN mein aam hai qalb-o-nazer ki ranjoori !
                                                            - Allama Iqbal -
                                                            (zerb-e-kaleem)