ye kinaaroN se khaylnay waalay

wo bulaayein to kia tamasha ho

ham na jaayein to kia tamasha ho

ye kinaaroN se khaylnay waalay

Doob jaayein to kia tamasha ho

banda-perver jo ham pe guzri hai

ham bataayein to kia tamasha ho

aaj ham bhi teri wafaaoN per

muskuraayein to kia tamasha ho

tayri soorat jo ittefaaq se ham

bhool jaayein to kia tamasha ho

waqt ki chand saa-atein Saagher

loT  aayein to kia tamasha ho

                                    - Saagher Siddiqui -