dekho ye kisi aur ki aaNkhein hein k mayri

jis samt bhi dekhooN nazer aata hai k tum ho

aye jaan-e-jahaaN ! ye koi tum sa hai k tum ho

ye khwaab hai, khushbu hai k jhoNka hai k pal hai

ye dhund hai, baadal hai k saaya hai k tum ho

is deed ki saa-at mein kaee rang hein lerzaaN

main hooN k koi aur hai, dunya hai k tum ho

dekho ye kisi aur ki aaNkhein hein k mayri

dekhooN ye kisi aur ka chehra hai k tum ho

ye umr-e-gurayzaaN kaheeN Thehray to ye jaanooN

her saaNs mein mujh ko yehi lagta hai k tum ho

her bazm mein mozoo-e-sukhan dil-zadagaaN ka

ab kon hai, SheereeN hai k Laila hai k tum ho

ek derd ka phaila hua sehra hai k main hooN

ek mauj mein aaya hua derya hai k tum ho

wo waqt na aaye k dil-e-zaar bhi sochay

is shehr mein tanha koi ham sa hai k tum ho

abaad ham aashufta-saroN se nahi maqtal

ye rasm bhi is shehr mein zinda hai k tum ho

aye jaan-e-faraz itni bhi taufeeq kisay thi

ham ko gham-e-hasti bhi gavara hai k tum ho

                                                            - Ahmad Faraz -

            ham ne ummeed k sahaaray per

ham ne ummeed k sahaaray per
TooT ker yooN hi zindagi ki hai
jis tarah tum se aashiqi ki hai
                                    - Faiz Ahmad Faiz -
                                    (ghubaar-e-ayyaam,
                                  nuskha-haay-e-wafa)